തമിഴിലെ മുതിര്ന്ന ചലച്ചിത്ര നിര്മാതാവ് എ.വി.എം. ശരവണന് (86) അന്തരിച്ചു. വാര്ധക്യസഹജമായ അസുഖങ്ങളെത്തുടര്ന്ന് വ്യാഴാഴ്ച പുലര്ച്ചയോടെയാണ് അന്ത്യം.എവിഎം പ്രൊഡക്ഷന്സിന്റെ ബാനറില് തമിഴിലെ ശ്രദ്ധേയമായ ഒട്ടേറെ ചിത്രങ്ങള് നിര്മിച്ചിട്ടുണ്ട്. രജനീകാന്തിന്റെ ശിവാജി: ദ ബോസ്, വിജയ്യുടെ വേട്ടൈക്കാരന്, അരവിന്ദ് സാമി, കജോള്, പ്രഭുദേവ എന്നിവര് പ്രധാനവേഷത്തിലെത്തിയ മിന്സാരക്കനവ്, സൂര്യയുടെ അയന്, ജമിനി, പ്രിയമാന തോഴി തുടങ്ങിയ ചിത്രങ്ങളുടെ നിര്മാതാവാണ്. 1939-ലാണ് ജനനം. എവിഎം പ്രൊഡക്ഷന്സിന്റേയും സ്റ്റുഡിയോയുടേയും ഉടമയായ എവി മെയ്യപ്പന്റെ മകനാണ്. മലയാളത്തില് ടിവി പരമ്പരകളും നിര്മിച്ചിട്ടുണ്ട്.
മൃതദേഹം വൈകിട്ട് മൂന്നരവരെ എവിഎം സ്റ്റുഡിയോസില് പൊതുദര്ശനത്തിനുവെക്കും. മകന് എം.എസ്. ഗുഹന് നിര്മാതാവാണ്.
