മുൻ മന്ത്രിയും മുസ്ലിംലീഗ് നേതാവുമായ വി.കെ. ഇബ്രാഹിംകുഞ്ഞ്(73) അന്തരിച്ചു .അർബുദബാധിതനായി ചികിത്സയിലായിരുന്നു. കഴിഞ്ഞദിവസങ്ങളിൽ ആരോഗ്യനില വഷളായി. കൊച്ചിയിലെ സ്വകാര്യ ആശുപത്രിയിൽവെച്ചായിരുന്നു അന്ത്യം. നാലു തവണ എംഎല്എയും രണ്ടു തവണ മന്ത്രിയുമായി. മധ്യകേരളത്തിലെ ലീഗിന്റെ ജനകീയമുഖമായിരുന്നു.
വ്യവസായ വകുപ്പ്, പൊതുമരാമത്ത് വകുപ്പുകള് കൈകാര്യം ചെയ്തു. 2001ല് മട്ടാഞ്ചേരിയില് നിന്ന് ആദ്യ നിയമസഭാ തിരഞ്ഞെടുപ്പ് വിജയിച്ചു. 2006ല് മട്ടാഞ്ചേരിയില് നിന്നും 2011ലും 2016ലും കളമശ്ശേരിയില് നിന്നും വിജയിച്ചു.
