റഷ്യ–യുക്രെയ്ൻ യുദ്ധം അവസാനിക്കുകയാണെന്ന് റഷ്യൻ പ്രസിഡന്റ് വ്ലാഡിമിർ പുട്ടിൻ. പോരാട്ടം അവസാനിപ്പിക്കാൻ സഹായിച്ച യുഎസിന് നന്ദിയെന്നും പുട്ടിൻ പറഞ്ഞു.യുദ്ധത്തടവുകാരെ കൈമാറണമെന്നുമുള്ള ട്രംപിന്റെ നിർദേശത്തിന് പിന്നാലെയാണ് പുട്ടിന്റെ പ്രതികരണം.
റഷ്യ-യുക്രെയ്ൻ യുദ്ധത്തിൽ മൂന്ന് ദിവസത്തെ വെടിനിർത്തൽ പ്രഖ്യാപിച്ചു.അമേരിക്കയുടെ മധ്യസ്ഥതയിൽ നടക്കുന്ന സമാധാന ചർച്ചകളുടെ ഭാഗമായാണ് താൽക്കാലിക വെടിനിർത്തലെന്ന് യുക്രെയ്ൻ പ്രസിഡന്റ് വോളോഡിമിർ സെലെൻസ്കിയും സ്ഥിരീകരിച്ചു. നാല് വർഷത്തിലേറെയായി തുടരുന്ന യുദ്ധം അവസാനിപ്പിക്കാനുള്ള നീക്കങ്ങളുടെ ആദ്യപടിയായാണ് ഇതിനെ കാണുന്നത്.
2022 ഫെബ്രുവരി 24-ന് റഷ്യ ഉക്രെയ്ൻ ആക്രമിച്ചു. അന്താരാഷ്ട്രതലത്തിൽ ആക്രമണാത്മക നടപടിയായി ഇത് കണക്കാക്കപ്പെടുന്നു. ഈ അധിനിവേശം രണ്ടാം ലോക മഹായുദ്ധത്തിനു ശേഷമുള്ള യൂറോപ്പിലെ ഏറ്റവും വലിയ അഭയാർത്ഥി പ്രതിസന്ധിക്ക് കാരണമായി.ദശലക്ഷത്തിലധികം ഉക്രേനിയക്കാർ രാജ്യം വിട്ടു. ജനസംഖ്യയുടെ നാലിലൊന്ന് കുടിയിറക്കപ്പെട്ടു.ആഗോള ഭക്ഷ്യക്ഷാമത്തിനും ഇത് കാരണമായി.2014-ലെ ഉക്രേനിയൻ വിപ്ലവത്തെത്തുടർന്ന്, റഷ്യ ക്രിമിയ ആക്രമിച്ച് കീഴടക്കി. റഷ്യൻ പിന്തുണയുള്ള അർദ്ധസൈനികർ തെക്ക്-കിഴക്കൻ ഉക്രെയ്നിലെ ലുഹാൻസ്ക്, ഡൊനെറ്റ്സ്ക് ഒബ്ലാസ്റ്റ്സ് എന്നിവ ഉൾക്കൊള്ളുന്ന ഡോൺബാസ് മേഖലയുടെ ഒരു ഭാഗം പിടിച്ചെടുത്തു. ഒരു പ്രാദേശിക യുദ്ധത്തിന് ഇത് കാരണമായി.2021-ൽ റഷ്യ ഉക്രെയ്നുമായുള്ള അതിർത്തിയിൽ 190,000 സൈനികരെയും അവരുടെ സാമഗ്രികളും സമാഹരിച്ചുകൊണ്ട് ഒരു വലിയ സൈനിക തയ്യാറെടുപ്പ് ആരംഭിച്ചു.
