തിരുവനന്തപുരം:– സ്കോഡ ഓട്ടോ ഇന്ത്യ പുതിയ കൊഡിയാക് ആർഎസുമായി ഉയര്ന്ന പ്രകടനശേഷിയുള്ള ആർഎസ് പോർട്ട്ഫോളിയോ വികസിപ്പിക്കാന് ഒരുങ്ങുന്നു. 50 വർഷത്തിലേറെയായുള്ള ആർഎസ് പാരമ്പര്യവും 125 വർഷത്തിലധികമായുള്ള മോട്ടോർസ്പോർട്ട് പൈതൃകവും കെട്ടിപ്പടുക്കുന്ന ഈ ഏറ്റവും പുതിയ കൂട്ടിച്ചേർക്കൽ ബ്രാൻഡിന്റെ ഉയര്ന്ന പ്രകടനശേഷിയുള്ള ഡിഎൻഎയെ അടിവരയിടുന്നു. 2026 ജൂൺ 22 ന് ബുക്കിംഗ് ആരംഭിച്ചതോടെ, കൊഡിയാക് ആർഎസ് അതിശയകരമായ പ്രകടനവും അനിഷേധ്യമായ മോട്ടോർസ്പോർട്ട് സ്വഭാവവും, ഏഴ് സീറ്റർ ആഡംബരത്തിന്റെ വൈവിധ്യം, 4×4 നൽകുന്ന മെച്ചപ്പെടുത്തിയ ഓൾ-ടെറൈൻ ശേഷി എന്നിവയുമായി സംയോജിപ്പിക്കപ്പെടുന്നു.
ഈ പ്രഖ്യാപനത്തെക്കുറിച്ച് സ്കോഡ ഓട്ടോ ഇന്ത്യയുടെ ബ്രാൻഡ് ഡയറക്ടർ ആശിഷ് ഗുപ്ത, “ആർഎസ് ബാഡ്ജ് 50 വർഷത്തിലേറെ പഴക്കമുള്ള ആഗോള പ്രകടന പാരമ്പര്യവും രണ്ട് പതിറ്റാണ്ടിലേറെ മുമ്പ് ഒക്ടാവിയ ആർഎസ് എത്തിയതിനുശേഷം ഇന്ത്യയിൽ ശക്തനായ ഒരു പിന്ഗാമിയെ അവതരിപ്പിക്കുന്നു. കഴിഞ്ഞ വർഷം പുറത്തിറക്കിയ ഏറ്റവും പുതിയ ഒക്ടാവിയ ആർഎസ് വെറും 20 മിനിറ്റിനുള്ളിൽ വിറ്റുതീർന്നു, ഇത് വാഹനപ്രേമികൾക്കിടയിൽ അതിന്റെ അത്യുന്നത സ്ഥാനം എടുത്തുകാണിക്കുന്നു. ഇപ്പോൾ, ഐക്കണിക് ആർഎസ് ബാഡ്ജ് ധരിക്കുന്ന ഇന്ത്യയിലെ ആദ്യത്തെ ഏഴ് സീറ്ററും രാജ്യത്ത് ഇതുവരെയുള്ളതിൽ വച്ച് ഏറ്റവും വേഗതയേറിയ സ്കോഡയുമായ കൊഡിയാക് ആർഎസുമായി ഞങ്ങൾ ആ പരമ്പരയെ മുന്നോട്ട് കൊണ്ടുപോകുന്നു. ഇത് പ്രകടനപ്രാപ്തി, സ്ഥലസൗകര്യം, 4×4 ശേഷി എന്നിവയെ ഞങ്ങളുടെ റേസിംഗ് ഡിഎൻഎയുടെ സുധീരവും സുവ്യക്തവുമായ പ്രകടനവുമായി സംയോജിപ്പിക്കുന്നു” എന്ന് അഭിപ്രായപ്പെട്ടു.
കൊഡിയാക് ആർഎസ്: പ്രകടനശേഷിയുടെ കാതല്
റാലി സ്പോർട്ടിന്റെ ചുരുക്കപ്പേരായ ആർഎസ് ബാഡ്ജ്, സ്കോഡ ഓട്ടോയുടെ പെർഫോമൻസ് എഞ്ചിനീയറിങ്ങിനോടുള്ള പ്രതിബദ്ധതയുടെ പ്രതീകമാകുന്നു. ആഗോളതലത്തിൽ, ആർഎസ് മോഡലുകൾ ചലനാത്മകശേഷി, കൃത്യത, ആകർഷകമായ ഡ്രൈവിംഗ് അനുഭവം എന്നിവയുടെ പര്യായമാണ്. കൊഡിയാക് ആർഎസിനൊപ്പം, ഈ തത്ത്വചിന്ത ഇപ്പോൾ ഇന്ത്യയിലെ ആഡംബര എസ്യുവി വിഭാഗത്തിലേക്ക് ആവേശിക്കപ്പെടുന്നു, വൈവിധ്യമാർന്ന, എല്ലാവിധ ഭൂപ്രകൃതികള്ക്കും അനുയോജ്യമായ പാക്കേജിനുള്ളിൽ കൂടുതൽ കൃത്യതയുള്ളതും ആവേശകരവുമായ ഡ്രൈവ് നൽകുന്നു. കൊഡിയാക് ആർഎസ് അതിന്റെ തന്ത്രപരമായ വ്യത്യസ്തതയിലുള്ള ശ്രദ്ധയും പ്രതിഫലിപ്പിക്കുന്നതിലൂടെ, എല്ലാ പ്രതീക്ഷകള്ക്കും വേണ്ടി രൂപകൽപ്പന ചെയ്ത ഒരു എസ്യുവി അതിന്റെ പോർട്ട്ഫോളിയോയെ കൂടുതൽ ശക്തിപ്പെടുത്തുന്നു.
സ്കോഡയുടെ റേസിംഗ് ഡിഎൻഎ
ഒരു നൂറ്റാണ്ടിലേറെയായി സ്കോഡ ഓട്ടോയുടെ അവിഭാജ്യ ഭാഗമാണ് മോട്ടോർസ്പോർട്ട്. കൈലാഖ്, കുഷാഖ്, സ്ലാവിയ മുതൽ കൊഡിയാക്, പരിമിതമായ വോള്യമുള്ള ഒക്ടാവിയ ആർഎസ് വരെയുള്ള ബ്രാൻഡിന്റെ കാറുകളുടെ സമ്പൂർണ്ണ കൂട്ടം ‘ഒരു സർക്യൂട്ടിലെ ഏറ്റവും വേഗതയേറിയ മൾട്ടി-കാർ റിലേ’ എന്നതിനുള്ള ഇന്ത്യ-ഏഷ്യ ബുക്ക് ഓഫ് റെക്കോർഡ് നേടി. ഈ അഞ്ച് കാറുകളും ചേര്ന്ന് കോയമ്പത്തൂരിലെ CoASTT ട്രാക്കിൽ ഡ്രൈവർ മാറ്റ സമയങ്ങൾ ഉൾപ്പെടെ ആകെ 12:30.97 ലാപ്പ് സമയം രേഖപ്പെടുത്തി. തുടര്ന്ന്, ബ്രാൻഡ് അതിന്റെ ‘ഗ്രേറ്റസ്റ്റ് ഓൺ എ ട്രാക്ക് ഈസ് എ സ്കോഡ ഓൺ എ ട്രാക്ക്’ എന്ന കാമ്പെയ്നും ആരംഭിച്ചു, ബ്രാന്ഡിന്റെ ഉൽപ്പന്ന പോർട്ട്ഫോളിയോയിലുടനീളം ബ്രാന്ഡിന്റെ എഞ്ചിനീയറിംഗും ചലനാത്മക വൈദഗ്ധ്യവും പ്രദർശിപ്പിക്കപ്പെടുന്നു. എസ്യുവി നിരയിലെ ഈ തത്ത്വചിന്തയുടെ പരമകാഷ്ഠയാണ് കൊഡിയാക് ആർഎസ് പ്രതിനിധീകരിക്കുന്നത്, ബ്രാൻഡിന്റെ മോട്ടോർസ്പോർട്ട് ഡിഎൻഎ, പെർഫോമൻസ് എഞ്ചിനീയറിംഗ്, ഓൾ-ടെറൈൻ കാര്യശേഷി എന്നിവ അതിന്റെ ഇതുവരെയുള്ള ഏറ്റവും പ്രകടമായ രൂപത്തിൽ ഒരുമിച്ച് കൊണ്ടുവന്നിരിക്കുന്നു.
